Un aviso onte dun particular en Alfoz, na estrada que vai de Lagoa ao Pereiro, alertaba do mal estado no que se atopaba unha calzada a tres quilómetros desta localidade. Segundo contaba o denunciante, hai varias semanas houbo un accidente neste lugar e a calzada está sen reparar e sen sinalizar o lugar, polo que era perigoso circular por alí.
Un redactor deste medio puido comprobar in situ o mal estado en que se atopaba esta vía. Pero desgraciadamente non é unha novidade na Mariña. Hai varios puntos conflitivos no que se refire ao estado das calzadas. Fai máis dun mes que se produciu un accidente na N-642, entre Fazouro e Nois, que acabou cun coche nun terraplén. A varanda esnaquizouse no impacto que lle causou o coche e a día de hoxe non está reparada. E trátase dunha estrada nacional cun gran volume de tráfico.
|
Consiga AQUÍ a información completa |
