O español Alberto Contador (Tinkoff) recoñeceu que co tempo que perdeu este luns na subida aos Lagos de Covadonga "a Volta ponse costa arriba" para intentar facerse co xersei vermello.
"A subida fíxoseme longa e o balance é malo polo tempo que perdín. Agora toca recuperar e aproveitar o día de descanso ao máximo, porque o mércores volverá haber batalla", comentou.
O madrileño dixo que pagara "o intentar seguir o ritmo de Nairo Quintana" nun momento da carreira no que tiña "dúas opcións; seguir a Chris Froome que polo visto en 2012 e 2014 ao final atascábase" ou xogarse "a baza de seguir a Nairo" e equivocouse", segundo explicou.
Respecto diso da ascensión que fixo o británico comentou: "Todos saben como fai os portos, que non quere pasarse de watts para non cargarse de ácido láctico e é unha táctica que lle funciona que dá xenio".
