Agustín Hernández incorpora no seu equipo en Santiago á deputada Marta González

O futuro alcalde de Santiago, Agustín Hernández, incorporou ao seu equipo á deputada no Congreso Marta González Vázquez, que concorreu no posto 24 da lista electoral coa que este partido se presentou ás municipais de 2011, un posto por encima do inminente rexedor.

Nacida o 25 de xaneiro de 1965 en Compostela, esta doutora en Historia Medieval formou parte do primeiro goberno de Alberto Núñez Feijóo cando alcanzou a Xunta, e mantívose como secretaria xeral de Igualdade entre os anos 2009 e 2011, para despois ser substituída por Susana López Abella.

Autora de distintos libros e numerosos artigos sobre a historia de Galicia e a das mulleres na Idade Media, González deixou o seu posto na Xunta para concorrer ás eleccións xerais no número dous da lista do PP pola provincia da Coruña.

Anteriormente, entre 2003 e 2005, xa fora directora xeneral do Servizo de Igualdade no Goberno galego.

Comentarios