Ten mil ideas en mente. Distintos plans e Suíza como posible destino laboral. Entre traballo e traballo, o pontés Pablo Martínez róuballe tempo ao reloxo para realizar curtos pola súa conta en distintos puntos do mapa, mentres non deixa de embarcase en novos proxectos. O último, unha viaxe a Senegal para participar nun proxecto con Cineastas en Acción, unha organización sen ánimo de lucro que ten como fin promover o intercambio cultural entre África e España.
«Máis que un proxecto solidario é un intercambio cultural. Nós propomos varios talleres audivisuales, pero tratamos de recibir moito deles: a súa cultura, os seus costumes, a súa forma de vida...», explica este pontés, que aproveitará a súa viaxe para quedar uns días máis e gravar o país a través do seu obxectivo.
|
Consiga AQUÍ a información completa |
