A choiva non quixo faltar nin un só minuto á celebración da novena edición de Expogrelo de Abadín, que superou con éxito a difícil proba que lle puxeron as condicións meteorolóxicas e logrou congregar por centos de persoas e manter un bo nivel de vendas deste tradicional produto da época de Entroido.
Precisamente, o feito de que a feira coincidise co inicio dos festexos do Entroido favoreceu á hora de dar saída a gran parte dos 2.000 quilos de grelos que se puxeron á venda. Incluso algún dos 18 produtores que participaron nesta edición esgotaron as súas provisións.
