Uns 35 expositores participarán no II Salón da vivenda, moble e decoración, que se celebrará o próximo fin de semana e o seguinte no Pazo de Feiras e Congresos da capital lucense. Segundo os seus organizadores, este é o primeiro certame que se celebra este ano en Galicia no que aglutina mercado inmobiliario e decoración.
O director do salón, Carlos Almoina, aclarou hoxe, durante a presentación, que será "un foro de negocio e oportunidade, pero non vai ser unha feira de liquidación de estocaxe. Si que vai haber ofertas puntuais".
A feira, que ocupará unha superficie de 3.600 metros cadrados, celebrarase os días 25, 26 e 27 de maio e 1, 2 e 3 de xuño. Os venres abrirá de 16.30 a 20.30 horas e os sábados e domingos de 11.00 a 20.30 horas, ininterrompidamente.
Carlos Almoina fixo fincapé en que con este evento inténtase "dinamizar o sector inmobiliario nun momento no que é un dos que máis está sofrindo nas súas carnes a crise".
