Cando nos estamos achegando ao ecuador da competición na Terceira División, esta ponse cada vez máis interesante. E se que, tras a disputa de 14 xornadas, entre o primeiro clasificado, actualmente o Compostela, e o décimo, as Lavercas, só hai seis puntos de diferenza. Con tanta igualdade, sorprende que haxa equipos que sexan capaz de encadear cinco vitorias consecutivas, un logro do que xa pode facer gala o Rácing Vilalbés.
O conxunto rojiverde impúxose onte na Magdalena por 2-0 ao Vilalonga, nun partido frouxo en liñas xerais no que ningún dos dous equipos destacou por realizar un gran encontro, aínda que os locais foron os que levaron o peso e apenas pasaron apuros. Pecha así unha semana perfecta, con tres partidos e tres vitorias, que se suman ás dúas das xornadas anteriores. Quince puntos doutros tantos posibles que lle permitiron subir desde a metade da táboa ata a quinta praza con 25, situándose a un punto dos postos de promoción de ascenso e a catro do primeiro, pero tamén a só tres do undécimo.
►Toda a información mañá na versión impresa do Progreso◄
