Unha muller marroquí vende aos seus cinco fillos e abandona ao sexto

Unha marroquí de 27 anos vendeu a cinco dos seus fillos recentemente nados e foi detida logo de abandonar ao sexto tras unha "operación errada" de venda en Casabranca, segundo relata este luns a prensa marroquí citando fontes policiais.

Os cinco fillos anteriores desta muller solteira, froito de relacións extraconxugais, foran vendidos coa mediación de dúas mulleres a familias que buscaban un bebé sen pasar polos trámites da adopción.

Ao parecer, unha operación parecida estaba en marcha, pero neste caso os pais adoptivos, xa co bebé no seu poder, insistiron en facer a adopción islámica segundo o procedemento legal, atopándose con que a nai biolóxica respondía en cada ocasión son pretextos distintos para non presentar os documentos.

Ante a imposibilidade de seguir a vía legal, os pais adoptivos devolveron o bebé á súa nai, quen, presa de pánico por non poder presentarse no seu barrio cun bebé ao ser solteira, abandonouno nun lago envolvido nunhas mantas. Con todo, as abundantes canas do lago impediron que o bebé se afogase, e foi atopado horas máis tarde por un cidadán que alertou á policía.

A nai biolóxica, un dos seus amantes e as dúas intermediarias foron detidos e postos a disposición xudicial.