O semanario francés L'Express revelou que o expresidente de Francia Nicolas Sarkozy recibiu en xaneiro a primeira dose da vacina contra o coronavirus. En Francia, polo momento estanse vacinando os maiores de 75 anos, o persoal médico e as persoas con patoloxías. Sarkozy ten 66. 

Ao parecer, Sarkozy presentou nun hospital militar de Percy, en Clamart, unha receita médica na que xustificaría a súa vacinación ao padecer algunha das patoloxías que permitiría a súa inmunización, segundo unha información publicada por France Info. 

Ata o momento non transcendeu a patoloxía que podería padecer Sarkozy.