Un terremoto que este venres sacudiu as costas do mar Exeo deixou polo menos 22 muertos, dous deles na islla grega de Samos e os 20 restantes na provincia turca de Esmirna, onde se derrubaron uns vinte edificios.
O número de feridos en Turquía ascende a 786, segundo o último comunicado de AFAD, o servizo de emerxencias turco, emitido pouco despois da medianoite local.
O tremor, de 6,8 graos de magnitude, con epicentro no mar Exeo, produciuse ás 11.51 GMT e fixo derrubarse polo menos unha decena de edificios en varios barrios de Esmirna, a terceira maior cidade de Turquía.
Os labores de rescate, coordinadas por AFAD, están en marcha e ata o momento recuperáronse 12 cadáveres e atendeuse a 419 feridos, segundo este organismo público, pero o traballo continúa en 17 edificios danados.
Segundo a televisión turca NTV, unha das doce vítimas é unha muller que se afogou ao ser alcanzada polo pequeno tsunami que se produciu no municipio de Sigacik na costa turca a consecuencia do terremoto.
O gobernador de Esmirna, Yavuz Selim Kösker, informou nunha comparecencia ante os medios que xa se rescatou a 70 persoas dos edificios derrubados.
Pediu á cidadanía absterse de subirse aos cascallos polo risco de agravar a situación das persoas atrapadas e entorpecer o traballo dos equipos de rescate e aconsellou reducir o tráfico ao mínimo para facilitar o paso de ambulancias.
O terremoto afectou gran parte do Exeo e segundo algúns testemuños sentiuse incluso en cidades tan afastadas como Atenas e Istambul.
