A Xustiza británica declarou culpable de asasinato a Danyal Hussein. Este mozo apuñalou ata a morte a Bibaa Henry e Nicole Smallman -irmás- tras realizar un pacto satánico que tiña como fin gañar a lotería.
Os feitos ocorreron en xuño do ano pasado en Londres durante a celebración dun aniversario. Neses momentos o asasino era aínda un adolescente.
A Policía informou de que entre os plans de Hussein atopábase "realizar un mínimo de seis sacrificios cada seis meses durante o tempo que fose capaz" para cumprir o seu "contrato co diaño".
O mozo realizaría estes actos co fin de gañar "o Mega Millions Super Jackpot". Unha proba diso é a compra de tres billetes de lotería que adquiriu tras os seus crimes.
"Estou totalmente convencido e o meu equipo está convencido de que cometería máis asasinatos"
Os axentes tamén acharon na súa casa símbolos satánicos e un libro de feitizos escrito a man, incluídos algúns para facer que as mulleres o atopasen atractivo, dixo a Policía.
Hussein negou a súa participación en todo momento, alegando que se trataba dunha conspiración elaborada, pero un xurado da corte de Old Bailey de Londres declarouno culpable dos asasinatos
"Estou totalmente convencido e o meu equipo está convencido de que cometería máis asasinatos", dixo o inspector xefe detective Simon Harding, quen dirixiu a investigación.