Tres turistas españolas e un italiano morreron cando o vehículo no que viaxaban estrelouse contra un camión nunha estrada do norte de Tanzania, informaron autoridades locais.
As vítimas mortais son as malagueñas María Belén Jiménez, María Victoria Aláez e Juana Jiménez e o italiano Sebastien Giordani, todos de uns 45 anos.
O accidente tivo lugar en Nanja, unha localidade do norte de Tanzania próxima a Arusha e aos turísticos parques nacionais do Serengeti e Maswa, segundo informou o xornal The Citizen.
"Enviamos os corpos das vítimas ao hospital Mount Meru, en Arusha. O vehículo onde viaxaban os turistas quedou esnaquizado; foi un accidente moi serio", dixo o comisario do distrito Iddi Kimanta a este xornal.
Os turistas viaxaban nun vehículo de tipo minibús da axencia Tabia Tours. A Policía investiga aínda as causas do accidente.