Máis de 50 avións e helicópteros rusos participan nos bombardeos contra as posicións do Estado Islámico (EI) en Siria, segundo informou o Ministerio de Defensa de Rusia. Ademais, Rusia anunciou que despregou un batallón de infantes de mariña para protexer a base aérea de Jmeimim, na que se atopan emprazados os avións rusos na zona de Latakia e o porto de Tartus.
Este dato foi corroborado por activistas, que confirmaron que avións rusos atacaron zonas do norte da provincia central siria de Hama sen que polo momento se saiba se houbo vítimas.
O Observatorio Sirio de Dereitos Humanos, que ten sede no Reino Unido pero dispón dunha ampla rede de colabores sobre o terreo, precisou que varias áreas do pobo de Latmane foron branco dos bombardeos, sen ofrecer máis detalles.
