Os restos do famoso oficial de Hitler durante a ditadura nazi, Rudolf Hess, serán incinerados e lanzados ao mar, segundo informa o diario alemán Sueddeutsche Zeitung.
Segundo o xornal, os restos do oficial nazi foron exhumados durante a noite do mércores e a tumba na que permanecían será destruída.
O lugar no que se atopaban, o cemiterio de Wunsiedel, converteuse nun lugar de contínuas manifestacións de extrema dereita. Ao vencer o contrato de arrendamento, a igrexa na que estivo enterrado negouse a prorrogalo. Tras algunhas reticencias por parte da familia do ex alto cargo do Goberno nazi, finalmente acordaron permitir que os seus restos fosen trasladados.