A Autoridade Garante da Competencia e o Mercado de Italia (AGCM) anunciou este venres que multou ás compañías aéreas de baixo custo Ryanair e Wizz Air por enganar ao consumidor coa súa nova política sobre a equipaxe de man de pago.
A autoridade multou con tres millóns de euros á compañía irlandesa e cun millón á húngara e dálles un prazo de 60 días para que comuniquen os pasos que emprenderán, segundo lese no comunicado oficial.
O ente investigaba a Ryanair desde o pasado setembro e a Wizz Air desde outubro por mor das modificacións nas súas respectivas regras sobre a equipaxe de man, polo cal agora hai que pagar un suplemento se se quere transportar na cabina.
Ambas as compañías aéreas permiten só acceder ao avión con un bolso pequeno que debe ser aloxado baixo asento dianteiro e usan para o novo servizo o compartimento superior.
Iso fai que o prezo que os consumidores pagan ao final do proceso de compra sexa "case sempre superior" á tarifa que aparece nun principio
Isto "constitúe unha práctica comercial incorrecta pois engana ao consumidor sobre o efectivo prezo do billete, xa que non inclúe na tarifa básica un elemento esencial no transporte aéreo como é a maleta de man grande", indica a AGCM.
"Da instrución emerxeu que corresponde aos hábitos de consumo da práctica totalidade dos pasaxeiros viaxar cunha maleta de man grande consigo", sostén.
O ente explica que a maleta de man é "un elemento esencial" no servizo de transporte aéreo e o seu uso "debe ser permitido sen ningún prezo adicional".
As compañías, co cobro dun suplemento que varía entre os 5 e os 25 euros por cada maleta, aumentaron o prezo dos seus billetes dun modo "non transparente", pois exclúen da tarifa mostrada un servizo "esencial, predicible e inevitable".
Iso fai que o prezo que os consumidores pagan ao final do proceso de compra sexa "case sempre superior" á tarifa que aparece nun principio.
