O G7, o grupo das economías máis desenvolvidas do mundo, anunciou este domingo un acordo para doar máis de mil millóns de doses de vacúas contra a covid-19 aos países en desenvolvemento.
"Compráceme anunciar o compromiso (do G7) de mil millóns de doses de vacinas, ben directamente ou a través de financiamento de (o programa internacional) Covax", dixo o primeiro ministro británico, Boris Johnson, anfitrión do cume celebrado en Cornualles (suroeste de Inglaterra), dixo na rolda de prensa de clausura do cume.
A declaración conxunta explica que os compromisos adquiridos polos sete países desde o comezo da pandemia, xa sexa vía contribucións financeiras ou doazóns directas, elevan o total da cooperación a 2.000 millóns de doses.
Os expertos calculan que serán necesarias 11.000 millóns de doses como mínimo para derrotar á pandemia a nivel global.
Preguntado sobre a suspensión das patentes de vacinas, Johnson dixo que "o verdadeiramente importante é elevar a capacidade de manufactura en todo o mundo, especialmente en África".
"O camiño a seguir é vender as vacinas a prezo de custo, defendemos o modelo de Oxford/AstraZeneca", dixo Johnson, quen insistiu na necesidade de acelerar a transferencia de coñecemento e de tecnoloxía manufacturera aos países en desenvolvemento.