Estados Unidos superou este xoves con máis de 85.000 casos de coronavirus a China e a Italia como o país do mundo con máis contaxios sendo o estado
Os mortos por covid-19 en Estados Unidos rozan os 1.300 tras o falecemento de polo menos 266 persoas este mércores, uns números que aínda lle sitúan poro detrás de Italia, España, China, Irán e Francia en canto a mortes se refire.
NOVA YORK, AO BORDO DO COLAPSO. Os hospitais de Nova York comezan a estar desbordados e con importantes carencias de equipamento no medio dun aluvión de pacientes durante os últimos días, segundo os testemuños de médicos e empregados en linea coas advertencias das autoridades.
Ante un escenario que algúns describen como "apocalíptico", un buque hospital da Armada de Estados Unidos con capacidade para 1.000 pacientes chegará o luns ao porto de Nova York "cargado ata arriba", segundo dixo o presidente Donald Trump, de subministracións médicas.
O USNS Comfort ten que servir para aliviar aos hospitais neoiorquinos, que teñen a máis de 5.000 pacientes ingresados por covid-19. "En case todos os escenarios realistas, imos chegar a unha sobrecarga de capacidade do sistema sanitario", recoñeceu este xoves o gobernador de Nova York, Andrew Cuomo.
Ao estado de Nova York e as súas 39.000 positivos, séguenlle de lonxe o veciño Nova Jersey con 6.900, California con 4.000, o estado de Washington (3.200), Michigan (2.850) e Illinois (2.500).
DESEMPREGO SEN PRECEDENTES. O desemprego disparouse en marzo en Estados Unidos debido ao parón económico provocado polo covid-19 cun incremento sen precedentes de 3,28 millóns de persoas que solicitaron a semana pasada prestacións pola perda do traballo. A semana anterior as solicitudes foran 282.000.
O incremento superou a marca histórica de 695.000 solicitudes que se alcanzou durante a recesión de 1982.
TRUMP E XI. O presidente dos Estados Unidos, Donald Trump, asegurou este venres que "China desenvolveu unha sólida comprensión do virus", tras falar por teléfono co seu homólogo chinés, Xi Jinping, sobre a pandemia do covid-19, que ata agora se cobrou a vida de máis de 24.000 persoas en todo o mundo.
"Estamos a traballar estreitamente xuntos", dixo Trump en Twitter, ao anunciar a súa conversación telefónica co mandatario chinés, sen dar detalles concretos sobre o contido da mesma.
