Nunha entrevista co xornal alemán Bild, o CEO da empresa alemá BioNTech, que xunto a Pfizer desenvolveu a primeira vacina contra o coronavirus que se puxo en circulación, afirma que "as persoas vacinadas non contaxian".
Estas declaracións de Ugur Sahin baséanse en investigacións científicas levadas a cabo en Israel. Os estudos apuntan a que "a cantidade de persoas para as que a PCR é positiva e que, polo tanto, son potencialmente contaxiosas, redúcese nun 92% logo da vacinación".
Sahin tamén incide na capacidade da vacina para facer fronte ás diversas cepas, incluída a variante británica.
Ante esta situación, o creador da vacina de Pfizer sente en disposición de afirmar que "con este coñecemento, agora tamén sabemos que podemos conter a pandemia de xeito efectivo se se vacina a suficientes persoas"