domingo. 29.03.2020 |
El tiempo
domingo. 29.03.2020
El tiempo

Cancelan o entroido de Venecia polo coronavirus

Unha persoa ataviada cun antifaz pousa na praza de San Marco. EFE
Unha persoa ataviada cun antifaz pousa na praza de San Marco. EFE
Xa se rexistran 132 casos e dous falecidos no norte do país

Os temores pola propagación do coronavirus en Italia, onde xa se rexistran 132 casos e dous falecidos, fixeron que se cancele o entroido de Venecia e se pechen as escolas durante a semana próxima en Lombardía, Véneto e Piamonte.

O presidente da rexión de Véneto, Luca Zaia, informou de que de acordo co ministro de Sanidade, Roberto Speranza, "canceláronse todos os eventos públicos e privados e dispúxose o peche de escolas e museos ata o 1 de marzo, incluído o entroido de Venecia".

O entroido de Venecia, un dos eventos máis importantes da cidade das canles, comezara hai unha semana e tiña previsto concluír o vindeiro martes.

A decisión de cancelar os eventos públicos e privados e todas as actividades escolares xa se tomou na rexión de Lombardía, a máis afectada con 89 casos.

O número de contaxiados polo coronavirus ata o momento en catro rexións do norte de Italia ascende a 132, logo de realizar preto de 3.000 análise a sospeitosos de ter a enfermidade, informou este domingo o xefe da Protección Civil italiana, Angelo Borrelli. 

Cancelan o entroido de Venecia polo coronavirus
Comentarios