Un bebé de dous meses morreu tras unha "urxencia médica" a bordo dun avión da compañía AirAsia que cubría este luns o traxecto entre Kuala Lumpur e a cidade australiana de Perth, confirmou a aerolínea.
Un portavoz da aerolínea asiática de baixo custo sinalou que a Policía e un equipo de médicos esperaron no aeroporto de Perth á chegada do avión na mañá do luns para asistir ao neno.
"A seguridade e o benestar dos nosos pasaxeiros é sempre a nosa prioridade e de acordo aos procedementos, a tripulación pediu asistencia médica ao aterrar", dixo o portavoz nun comunicado.
"Os nosos pensamentos están co bebé e a súa familia", apunta o comunicado sen precisar as causas do deceso, mentres as autoridades australianas investigan o incidente, sen achegar máis detalles sobre o caso.
