O xefe da Organización da Aviación Civil de Irán, Alí Abedzadeh, insistiu este venres en que o avión ucraíno sinistrado preto de Teherán non foi derrubado por un mísil e pediu esperar ao resultado da análise das caixas negras.
"Calquera comentario ou informe sobre que ocorreu antes de analizar as caixas negras non son válidos, pero podo dicirlles que (o avión) non foi alcanzado por un mísil", subliñou Abedzadeh nunha rolda de prensa.
O primeiro ministro canadense, Justin Trudeau, dixo este xoves que o seu Goberno ten información de que o Boeing 737 foi derrubado por un "mísil iraniano", mentres que o presidente de Ucraína, Vladímir Zelenski, comentou hoxe que esa hipótese non está confirmada pero tampouco se descarta.
