Cando se constrúa a nova estación de autobuses de Lugo á beira da do tren, demolerase a actual e acondicionarase unha gran espazo público de lecer e servizos.
Este proxecto, que está pendente de redactar, foi anunciado este luns na capital lucense pola conselleira de Infraestruturas, Ethel Vázquez.
Ademais dunha gran praza pública, nese céntrico espazo, próximo á muralla romana, haberá un intercambiador de autobuses e habilitarase unha zona para albergar os negocios que se atopan actualmente na estación de autobuses.
"Lugo gañará en eficacia e eficiencia non transporte e gañará en espazos urbanos", dixo a conselleira. Ethel Vázquez tamén anunciou que no prazo máximo dun mes licitarase a redacción do proxecto da nova terminal de autobuses, que convivirá co transporte ferroviario na estación intermodal, que levará a cabo en colaboración con Adif e o Concello de Lugo.
