A Xunta licitou as obras de restauración do lenzo da muralla, situado na Rúa Clérigos, por un orzamento de 142.000 euros, que se sumarán aos 20.000 euros investidos na redacción do proxecto. O delegado territorial, Javier Arias, explicou que se actuará sobre un tramo de 12,16 metros entre os cubos XXX e XXXI para resolver fisuras e outras patoloxías da pedra debido, fundamentalmente, á incidencia da choiva e outros elementos de desgaste propios do paso do tempo. Neste sentido, Arias sinalou que a Xunta realiza unha avaliación permanente do monumento, o que permite atallar incidencias como pode supor, neste caso, a disgregación dos morteiros ou a aparición de fisuras.
A actuación, cofinanciada con fondos do Feder (Fondo Europeo de Desenvolvemento Rexional), terá un prazo máximo de execución de catro meses. Consistirá no desmontado de petos e muros, impermeabilización e reconstrución da estrutura. Entre os traballos contemplados, figura tamén a escavación manual arqueolóxica do adarve ata a cota orixinal romana, a separación do recrecimiento da estrutura orixinal mediante lámina de geotextil para volver cubrir con laxas de lousa tomadas con morteiro de cal e o desmontado e a retirada da instalación eléctrica e das luminarias existentes para facilitar a execución das obras.
Igualmente, vaise a realizar unha cata coa finalidade de definir o trazado orixinal do cubo XXX así como un levantamento topográfico e unha fotogrametría 3D, que mellorarán o coñecemento sobre a muralla.
CUBO XXXI. Este proxecto dá continuidade ás obras de restauración do cubo XXXI, que a consellería acometeu hai un ano cun investimento de 142.000 euros, e que igualmente serviron para consolidar a estrutura, definir o trazado orixinal do cubo e realizar un estudo exhaustivo sobre este elemento do monumento.
Nunha cata realizada entre ese cubo e o XXX, observouse que o paramento ten unha forma plana con lixeira inclinación na base banqueta de apoio, de ancho e altura variable.
A lonxitude deste cubo é
