jueves. 26.05.2022 |
El tiempo
jueves. 26.05.2022
El tiempo

Xunta e Deputación seguen sen chegar a un acordo sobre a presenza en Turgalicia

Estand de Galicia en Fitur. FITUR
Stand de Galicia en Fitur en 2021. FITUR
O delegado territorial da Xunta de Galicia en Lugo, Javier Ares, mostrouse moi sorprendido ante a decisión de goberno provincial de non aparecer na caseta da Xunta

A Deputación de Lugo e a Xunta seguen sen achegar posturas tras a decisión do ente provincial de non participar na caseta de Turgalicia en Fitur. 

O delegado territorial da Xunta de Galicia en Lugo, Javier Ares, mostrouse moi sorprendido ante a decisión de goberno provincial. "Sempre estiveron no noso espazo para expor de xeito conxunto a riqueza da provincia de Lugo e cremos que o mellor é proxectar unha imaxe de unión", sostén. 

Pola súa banda, o presidente da Deputación de Lugo, José Tomei, quéixase de que: "O que nos pedían era reservar as cadeiras de diante para representantes e invitados da Xunta". Con todo, relegábase" a un segundo plano ao resto, situándoos en segunda "ou terceira fila". 

Ares non comparte a mesma visión dos feitos e replica que non é nada raro reservar asentos para este tipo de actos. "é algo moi común, é un espazo pagado pola Xunta e, do mesmo xeito que a Deputación, reserva asentos nos actos dos que son responsables, aquí é o mesmo. é unha escusa porque incluso eles poderían facer uso dalgún deses asentos", opina. 

Pola súa banda, Tomei mantense firme na postura tomada polo seu equipo para denunciar que as esixencias da Xunta son "inauditas" 

"Mándannos un correo no que nos din que no acto propio da Deputación eles resérvanse a primeira fila, motivo polo que os nosos invitados e representantes, no seu propio acto, estarían atrás. Non o podiamos aceptar", agrega o presidente provincial.

Ares destaca que o Concello de Lugo, a pesar da negativa da participación da Deputación, continúa coa presencia en Turgalicia agradece a decisión. "Alégranos que o Concello siga connosco, lamentamos a postura do goberno provincial, pero é tarde para recapacitar", insiste.

Xunta e Deputación seguen sen chegar a un acordo sobre a presenza...
comentarios