A Dirección Xeral da Axencia Galega de Infraestruturas deu luz verde á contratación da readaptación do proxecto da Rolda Este, no tramo entre LU-530 e a N-VI, que inclúe dous viadutos —un sobre o río Intre, duns 200 metros, e outro sobre o regacho de Samai, en Rosende de Abaixo—, ademais dun paso inferior baixo a liña ferroviaria.
O contrato incluirá distintos tipos de traballos como os de cartografía e topografía, geotecnia, tratamento do patrimonio cultural, a redacción do proxecto de trazado correspondente á actuación definida, a información pública, a redacción do proxecto construtivo e tamén a súa edición e reprodución. Este tramo da Rolda Este permitirá desconxestionar o tráfico nos accesos ao Hula así como en Fontiñas e a estrada de O Rato. A infraestrutura suporá un investimento de 22,5 millóns e terá unha lonxitude de case tres quilómetros.
PENDENTE. O proxecto de construción da segunda fase da Rolda Leste —que une a estrada da Fonsagrada coa Tolda— está pendente de execución desde hai quince anos. O pasado mes de abril, o Concello aprobou unha moción no pleno, do grupo socialista, para urxir á Xunta para a realización destes traballos.
