Non só os hostaleiros están a verse beneficiados polas medidas postas en marcha polo Concello para mitigar a crise económica derivada de pandemia polo coronavirus. Así, Lara Méndez anunciou que "tampouco estamos a cobrar ou aluguer ás empresas e emprendedores instalados nos viveiros municipais do CEINodus e do barrio da Tinería, este último a pé de rúa, sendo un total de 44 empresas as que desenvolven a súa actividade nestes espazos".
Trátase da locais propiedade da Xunta que o Concello acordou xestionar e polos que se supón que a administración galega segue pasando as facturas de alugueres mensuais ao goberno municipal.
Ver máis: Lugo prorroga a exención no pago por terrazas durante todo 2021
De todos os xeitos, con esta decisión o executivo de Lara Méndez pon a pelota sobre o tellado da Xunta, que en ningún momento desta crise deixou de cobrar o aluguer aos locais da Tinería que aluga directamente.
O único que fixo no seu momento foi atrasar os pagos, que agora estará a repercutir nos recibos mensuais durante dous anos. Iso crea un agravio comparativo para os empresarios e autónomos que teñen alugado á Xunta.