A Xunta autorizou este venres unha partida de obras por importe de 6,2 millóns na que se inclúe o proxecto para restaurar o antigo hospital de San Miguel de Lugo, tamén coñecido como casa-torre do barrio da Tinería.
O IGVS executará as obras, froito dun proxecto conxunto das consellerías de Cultura e Turismo e Medio Ambiente, Territorio e Vivenda e que permitirá converter o simbólico edificio en centro de referencia da gastronomía e a hostalería lucense.
O inmoble, encostado á muralla e que está nun estado ruinoso, cederase de feito á Asociación Provincial de Empresarios de Hostalería (Apehl), que trasladará alí a súa sede e habilitará un centro de formación do sector.
O proxecto contempla tamén crear un espazo expositivo centrado na gastronomía, que se situaría na última planta do edificio, para que teña un acceso máis fácil desde a muralla. A Xunta tamén contemplou trasladar alí a súa oficina de turismo.
En fase de redacción está tamén o segundo proxecto de relevancia para o barrio, a rehabilitación do pazo de Doña Urraca
Máis aló dos proxectos para a rehabilitación de edificios para crear vivendas sociais, o proxecto de rehabilitación do antigo hospital de San
En fase de redacción está tamén o segundo proxecto de relevancia para o barrio, a rehabilitación do pazo de Doña Urraca, unha obra singular que farase en colaboración co Concello porque se pretende crear unha praza fronte á muralla. A Xunta quere levar alí a primeira sede fóra de Santiago do Museo de Arte Contemporáneo de Galicia.