A Xunta de Galicia adxudicou novos equipos médicos para o Hospital Universitario Lucus Augusti (HULA) e os de Verín e Valdeorras, segundo informan.
A través do Sergas, adxudicou a subministración do equipo PET-TC para o HULA, por importe de 1,3 millóns de euros. A adxudicataria disporá dun prazo máximo de dez meses desde a adxudicación do contrato para a súa entrega e posta en funcionamento.
O PET-TC é un equipo de última xeración cos últimos avances no diagnóstico e seguimento do cancro e doutras enfermidades, coa posibilidade de detectar tumores antes de que sexan apreciados por outras técnicas diagnósticas.
Por outra banda, a Xunta publicou a resolución da adxudicación da renovación da terceira resonancia magnética móbil que dá servizo aos hospitais de Verín e Valdeorras.
Esta adquisición entra dentro dos contratos cos que a Xunta está a canalizar máis 60 millóns de fondo europeos Next Generation para tecnoloxía sanitaria.
