O Xulgado do Penal número 2 de Lugo acolle este xoves o xuízo contra un home acusado de corrupción de menores, para o que a Fiscalía pide unha pena dun ano de prisión e liberdade vixiada durante os dous seguintes, coa obrigación de participar en programas de educación sexual.
Segundo o escrito do ministerio público, no curso dunha investigación sobre distribución de pornografía infantil a través de internet, o 2 de decembro de 2016 procedeuse á entrada e rexistro do domicilio do procesado, sen antecedentes penais.
Alí interviñéronse un computador portátil e unha táblet, así como diferentes dispositivos de almacenamento e outros aparellos electrónicos onde foi achado "diverso material de contido pornográfico infantil". En concreto, contiñan máis de 3.000 arquivos nos que "aparecen menores de idade" e que o acusado tiña "para o seu propio uso".
