Un lucense foi xulgado este luns no Penal 2 acusado de roubo con violencia e dun delito de lesións, acusacións polas que o fiscal solicitou catro anos de prisión. Segundo o ministerio público, o procesado rompeulle o nariz a outro home dunha puñada e, ademais, aproveitou esta circunstancia para roubarlle o móbil.
O acusado, pola súa banda, negou os feitos e en especial que se levou o teléfono. De feito, a propia vítima recoñeceu na vista que non viu como llo levaba e unha testemuña asegurou que el mesmo o recolleu do chan e o deixou sobre o teito do coche do afectado. Os feitos sucederon, segundo o escrito de acusación, ás 2.45 horas do 7 de maio de 2018, nun aparcadoiro en A Piringalla. O acusado aproveitou que o outro se estaba subindo ao coche para darlle unha puñada, romperlle o nariz e escapar nun coche co móbil.
