O xulgado do Penal número 2 de Lugo celebrou este luns un xuízo contra un home, A.C.C. acusado de romperlle o nariz a outro dun golpe co xeonllo. O fiscal acúsao dun delito de lesións e solicita unha condena de dous anos de cárcere.
O fiscal mantén que o 28 de decembro de 2014, sobre as dez e media da noite, o acusado discutiu con outro home na rúa Aquilino Iglesias Alvariño e deulle varias puñadas na cara. Ademais, cando conseguiu tiralo ao chan, propinoulle varias patadas e un golpe co xeonllo no nariz.
A vítima sufriu unha rotura dos ósos propios do nariz e tivo que recibir asistencia médica. O xuízo por este caso quedou visto para sentenza.
Xulgado por romperlle o nariz a un home dun golpe co xeonllo nunha rifa
O fiscal acúsao dun delito de lesións e solicita unha condena de dous anos de cárcere
