Un xulgado de Lugo está a investigar por presuntos malos tratos animais á dona duns cans debido ao mal estado que presentaban estes.
Por agora transcenderon poucos datos sobre este caso, que se destapou por mor dunha inspección realizada por axentes ambientais da Xunta de Galicia na vivenda da propietaria dos canes.
Estes axentes, que realizaran esa inspección ao amparo da lei galega de protección e benestar dos animais de compañía, acudiron recentemente aos xulgados de Lugo para prestar declaración como testemuñas.
PENAS. O delito de malos tratos animais, que recolle o Código Penal no seu artigo 337, está castigado, sempre que non se causou a morte, cunha pena que vai de tres meses e un día a un ano de prisión, así como a unha inhabilitación especial dun ano e un día a tres anos para o exercicio de profesión, oficio ou comercio que teña relación cos animais e para a tenencia destes.
