O xulgado de instrución número 2 de Lugo investiga ao director técnico e a un monitor do rocódromo que se atopa no Pazo de Feiras e Congresos polo accidente que sufriu un alumno o pasado mes de abril.
O accidente tivo lugar o pasado xoves Santo, a última hora da tarde. Un mozo, de 24 anos de idade, sufriu a fractura dunha vértebra ao caerse ao chan desde unha altura cando participaba nun curso da escola de escalada do rocódromo.
As investigacións encamíñanse a determinar se ese grave contratempo púidose deber a unha imprudencia profesional.
O ferido, que evoluciona favorablemente, permaneceu varias semanas ingresado no Hospital Lucus Augusti, onde foi sometido a unha intervención cirúrxica. A súa familia emprendeu accións xudiciais.
Os responsables do rocódromo aseguraron entón que o material usado na escalada como as instalacións estaban
O rocódromo abriu as súas portas ao público no Pazo de Feiras e Congresos de Lugo a mediados de outubro de 2019. Está considerado como un dos mellores de España. Conta cuns 1.300 metros cadrados escalables, distribuídos en catro sectores: bulder, velocidade, iniciación e dificultade.
Ademais dispón dunha plataforma para practicar técnicas de montañismo. Esta instalación cumpre cos requisitos para acoller probas internacionais en formato olímpico.
