Este domingo culminou o Campionato de España de Seleccións Autonómicas (CESA), coas vitorias destacadas do galego Xavier Carballo Varela como campión individual cadete —que comprende a suma das modalidades de velocidade, bloque e dificultade—.
Pola súa banda, Galicia quedou segunda como selección, en categoría cadete. En infantil, nin a selección galega, nin os seus representantes estiveron presentes nos podios, pero unha gran cantidade de mozas quedaron preto das posicións de medalla.
A maiores na proba de velocidade masculina, venceu en categoría cadete, o madrileño Victor Moraleda Álvarez do 2006; e en infantil, o estremeño, Lucas Pérez Neto.
á cita, que se disputou no rocódromo do Pazo de Feiras e Congresos de Lugo, congregáronse as dez federacións que participaron en todas as probas que houbo desde o pasado xoves: Andalucía, Asturias, Canarias, Castela e León, Castela e A Macha, e Comunidade Valenciana, Estremadura Galicia, Madrid e País Vasco.
Entre todas elas sumaron case o centenar de participantes, 99. A xornada, que se iniciou ás 09.00 da mañá e culminou pasadas dúas da tarde, coa entrega de premios e medallas no podio, reuniu a numerosos familiares dos mozos escaladores.
