domingo. 05.04.2020 |
El tiempo
domingo. 05.04.2020
El tiempo

Os vixiantes do Hula sofren cada día entre 3 e 5 ataques de usuarios

Tres vixiantes na zona de Urxencias do Hula. VITORIA RODRÍGUEZ
Tres vixiantes na zona de Urxencias do Hula. VITORIA RODRÍGUEZ
"Nunca a xente foi tan violenta nin os agresores tan novos", din membros do equipo de seguridade do hospital, que piden máis medios

"Isto cada vez vai a peor. A xente vén cada día máis agresiva". Dicíao este luns un membro do equipo de seguridade do Hula, aínda conmocionado pola o apuñalamento o domingo dun vixiante do hospital

O ataque, o máis grave dos rexistrados ata agora, puxo o foco sobre as agresións continuas aos vixiantes, entre tres e cinco diarias, din. é un problema que veñen denunciando desde hai meses. Insisten en reclamar medios, como camisetas antitrauma, xeles de pementa ou, incluso, escudos para situacións máis excepcionais.

O equipo de seguridade do hospital está formado por 32 vixiantes. Din que non estaría de máis ter máis efectivos, aínda que aseguran que o problema non é tanto que falte persoal , senón que está a cambiar o perfil dos agresores, cada vez máis novos e violentos, polo que fan falta medios e protocolos de seguridade.

Urxencias e Psiquiatría son as áreas quentes, onde se producen máis incidentes, "pero nas plantas tamén hai o seu", conta Roberto Rivas, secretario da sección sindical de UXT.

"Lugo xa é tamén unha cidade que nunca dorme, porque xa non hai días tranquilos", indica un vixiante do Hula

Un compañeiro seu asegura que en planta chegaron a interceptar a un paciente que se coou na habitación na que estaba ingresada unha muller, supostamente para intentar abusar sexualmente dela".

Do perfil dos agresores, din que "é xente cada vez máis nova, que veñen como veñen". Non o afirman categoricamente, pero é evidente que sospeitan que o consumo de drogas está detrás de moitas das agresións.

Os golpes e os puñadas están á orde do día e os insultos son unha constante, recalcan. "Menos guapo chámanche de todo. Non é agradable, pero o peor é que hai límites que se están excedendo e que hai que atallar", din.

Sosteñen que hai que actuar xa porque a situación vai a peor cada día. "Parece que Lugo tamén é unha cidade que nunca dorme, porque isto pasa a diario", conta un vixiante, que di que o perfil dos agresores cambiou. "Moitas veces as pelexas que se inician nalgúns locais nocturnos acábanse trasladando ao Hula. Son persoas violentas e con perfís que non se vían antes en Lugo, explica.

A CIG demandou medios para que os vixiantes poidan exercer o seu traballo con seguridade

ÁREAS CONFLITIVAS. Caso aparte son os problemas no área de Psiquiatría, tamén constantes, destacan. Chegan moitos pacientes moi alterados e a agresividade dalgúns non fai máis que crecer cando pasan horas no box de Urxencias, laméntanse.

"Nunca a xente foi tan violenta nin os agresores tan novos", dicían os vixiantes tras un episodio que levou a UXT a pedir de novo máis medios, repetindo unha demanda que a central iniciou hai meses, por mor doutras agresións graves no Hula.

O último episodio violento provocou tamén reaccións de sindicatos como Comisións Obreiras, que reclamou un protocolo de actuación en Urxencias e Psiquiatría e a reestructuración do equipo de seguridade do hospital. A CIG, pola súa banda, demandou medios para que os vixiantes poidan exercer o seu traballo con seguridade, especialmente nos ámbitos onde hai máis agresións, como os hospitais, os centros de menores, os cárceres ou os centros comerciais.

Os vixiantes do Hula sofren cada día entre 3 e 5 ataques de usuarios