"¡Mataron a Cris!". Os achegados de Cristina Cabo Buján, de 42 anos, amenceron este luns coa terrible noticia do seu falecemento a mans dun asasino que lle asestou numerosas puñaladas o seu domicilio da capital lucense, onde residía soa. O xulgado de Instrución número 1 de Lugo decretou o secreto de sumario e os poucos detalles que transcenderon apuntan a que o autor se ensañó coa vítima, xa que, segundo fontes próximas ao caso, o cadáver da muller presentaba ata unha vintena de puñaladas.
A Policía Nacional mobilizouse a última hora da noite do domingo, despois de que un familiar da muller dese a voz de alarma porque non era capaz de contactar con ela. Os investigadores desprazáronse entón ata o domicilio e topáronse co peor escenario posible, xa que localizaron o cadáver da moza con signos de violencia. A Policía mobilizou aos axentes da Unidade de Delincuencia Especializada e Violenta (Udev) e á Brigada de Policía Científica do corpo, que acordoaron a zona para protexer o escenario do crime e solicitar todas próbalas pertinentes.
Os investigadores interrogaron a varios veciños do edificio, pero os testemuños destas persoas non arroxaron inicialmente demasiada luz ao suceso, xa que, segundo sinalaron, non escoitaran berros nin golpes procedentes do domicilio da vítima. Os axentes continuaron coas pescudas e retiraron da vivenda de Cristina Cabo multitude de caixas con posibles probas que puidesen levar ata o seu agresor. Igualmente, inspeccionaron as papeleiras e os colectores próximos ao lugar do crime en busca de pistas ou de armas coas que se puido perpetrar o crime.
Ademais, ao longo da tarde, os investigadores ampliaron o seu radio de actuación a outros municipios próximos a Lugo, onde ao parecer varios taxistas foron preguntados polas viaxes que realizaron á capital lucense o fin de semana, o que indica que a Policía Nacional podería estar a pechar o cerco sobre algún sospeitoso. Aínda así, a última hora da tarde do luns, a investigación continuaba aberta e a Subdelegación do Goberno confirmaba que aínda se barallaban "varias hipóteses".
Consternación
Mentres as forzas e corpos de seguridade facían o seu traballo, familiares e amigos da vítimarabia, a impotencia e a dor dun óbito ao que non lle atopaban ningún tipo de explicación, simplemente porque non a ten.
Os veciños da Rúa Quiroga, onde residía a muller, non daban crédito ao sucedido. "Nunca esperas que pase algo así tan cerca. Ves a unha persoa entrar e saír da súa casa, facendo unha vida completamente normal, e de súpeto te decatas de que a apuñalaron e que está morta. Custa moito crelo", apuntaban.
Algúns achegados da vítima comentaban que o inmoble no que residía a moza tiña algúns inquilinos conflitivos. De feito, a confusión que reinou tras o achado do cadáver levou pensar que a Policía Nacional detivera a un veciño como sospeitoso do crime, pero o home tan só foi trasladado a comisaría para tomarlle declaración, do mesmo xeito que se fixo con outras persoas da contorna da vítima, sobre o que se está centrando a investigación.
Medo
Así, tras o caos das primeiras horas, a calma retornou na medida do posible ao barrio e os residentes comezaron a exporse todo tipo de incógnitas. "Esta é unha rúa tranquila e nunca vimos nada raro, nin nese edificio nin nos outros da contorna. Non sabemos o que puido pasar, pero isto meteunos o medo no corpo", sinalaban.
A conmoción pola morte de Cristina Cabo estendeuse á Rúa Mallorca, onde rexentaba a tenda de produtos ecolóxicos A Despensa do Avó Francisco. "Nunca vimos nada estraño que nos puidese facer pensar neste desenlace. Hai quince días roubáronlle a mercancía que lle deixaron provedores na beirarrúa, pero ese foi o único problema que nos contou. ela levaba ben con todo o mundo", explicaban donos dos negocios próximos, "e é incrible pensar que xa non a volveremos a ver abrindo a súa tenda". A medida que avanzaba o día, as portas do negocio de Cristina Cabo fóronse enchendo de ramos de flores e velas acendidas en recordo dunha muller moi apreciada nunha cidade que tardará en esquecela.
