As novas restricións no aforamento nos locais de hostalería obrigaron aos empresarios a potenciar as súas terrazas coa chegada do frío. Por iso, para que o número dos seus clientes non mingüe víronse na obrigación de prover a este espazo exterior dun maior número de estufas de gas e infravermellos que reconforten ás persoas que degusten as consumicións á intemperie.
Así as cousas, o stock nas tendas do sector viuse seriamente desbordado, e incluso algúns establecementos da cidade esgotaron todas as unidades en tenda e están á espera de recibir novas estufas. As previsións de vendas apuntan a que este fenómeno seguirá á alza durante toda a tempada de outono-inverno.
Marcos Domínguez, xerente da cadea de tendas de electrodomésticos Star Center, asegura respecto diso: "Notamos un forte repunte na venda de estufas de gas para establecementos de hostalería da provincia polo aumento da superficie das terrazas dos locais", comenta.
Domínguez apunta sobre as preferencias á hora de decantarse polos modelos a gas ou as estufas de infravermellos, que os hostaleiros lucenses optan mayoritarimente polas primeiras xa que "as de gas non consomen tanto como as infravermellas, que necesitan estar enchufadas á rede eléctrica e a factura da luz aumenta en maior medida", manifesta o empresario lucense.
Moitos provedores xa non contan con estufas de gas nos seus almacéns porque se produciu unha rotura de stock actual
Outras das calidades máis valoradas das estufas de gas recae na súa mellor disposición á hora de mover o seu emprazamento e a súa potencia calorífica, segundo comenta Marcos Domínguez. "Só dependen dunha bombona de butano polo que se poden colocar en calquera lugar da terraza e movela cara a unha mesa ou outra. Ademais, ofrecen maior potencia e a maior distancia que unha de infravermellos".
PREZO. O prezo medio dunha estufa de gas rolda "os 200 euros, dos modelos con forma de pirámide", como aseguran desde Lugostel, establecemento especializado en produtos de hostalería. O stock de estufas de gas neste establecemento viuse reducido a unicamente dúas unidades pola gran demanda actual e esperan a chegada de novas "a mediados do mes de novembro, porque se produciu unha rotura de stock a nivel nacional, e moitos provedores xa non teñen estufas de gas nos almacéns", comentan desde Lugostel.
