Unha colisión entre dous turismos rexistrada na tarde do pasado sábado saldouse sen feridos, aínda que con cuantiosos danos materiais, xa que un dos vehículos implicados acabou encaixado contra a fachada dun baixo comercial.
O accidente tivo lugar na confluencia de Tino Grandío con Yáñez Rebolo, na Milagrosa.
Así mesmo, na madrugada do sábado, rexistrouse outro accidente na Ronda das Fontiñas, nesta ocasión con tres turismos implicados.
Segundo informa a Policía Local de Lugo, un dos condutores negouse a someterse á pertinente proba de alcolemia, polo que os axentes procederon a instruír un atestado contra el.
O home enfróntase a unha pena de prisión de entre seis meses e un ano, así como á privación do dereito para conducir vehículos a motor e ciclomotores por un tempo de entre un e catro anos.
