A asociación de veciños, comerciantes e industriais da Milagrosa insta o Concello ao acondicionamento das rúas Mazaira e Lirio. O colectivo, que forma parte da federación veciñal que preside Jesús Vázquez, anuncia que presentará unha solicitude ao concelleiro de infraestruturas e mobilidade para que no orzamento municipal de 2020 se contemple unha partida para esas obras.
Asegura que recibiu moitas queixas dos veciños da zona sobre o estado da Rúa Mazaira e todos os problemas de circulación que provoca que lle falte medio carril. Recorda que se trata dunha rúa de dobre dirección que, na metade do seu percorrido, estréitase deixando a calzada nun só carril e sen beirarrúa na marxe dereita sentido A Milagrosa-O Castiñeiro.
Explica que se trata dunha vía que axuda a desconxestionar de tráfico os barrios do Castiñeiro, A Milagrosa e A Piringalla e reclama que se ensanche a rúa, así como que se faga a correspondente beirarrúa. Tamén pide que se ensanche a Rúa Lirio, unha paralela, de forma que poidan pasar dous coches sen atascos e os peóns sen que se sometan a situacións perigosas.
Mentres non se fan esas obras, a asociación esixe ao Concello que se acometa de forma urxente o ensanche da intersección de Mazaira con Juana la Loca porque nese punto "é imposible, incluso, o paso dun só vehículo", denuncian,
