lunes. 30.11.2020 |
El tiempo
lunes. 30.11.2020
El tiempo

Os veciños das Illas esixen que se repare unha ponte e se dote de beirarrúas

Varanda derrubada nas Illas. EP
Varanda derrubada nas Illas. EP
Un turismo derrubou fai máis dun ano a varanda do viaduto, sito na estrada de Orbazai, e aínda non foi arranxada

A mediados de xullo do ano pasado un turismo deu un volantazo para esquivar a outro vehículo que viña de fronte nunha curva pechada da estrada de Orbazai, que une San Lázaro con Adai. O vehículo saíuse da calzada e derrubou a varanda metálica da ponte sobre o río Segade, nas Illas, caendo encima da depuradora que dá servizo ás vivendas deste barrio. Quince meses logo dese accidente de tráfico a balaustrada aínda non foi reparada, polo que os veciños urxen ao Concello de Lugo a que actúe porque por agora non atendeu as súas reclamacións.

Os afectados solicitan tamén á administración local que instale beirarrúas nesa zona que é moi transitada por afeccionados a camiñar e adolescentes en bicicleta, xa que consideran que así reduciríase o risco de que se poida producir algún atropelo.

Advirten ademais de que neste tramo da estrada de Orbazai, que soporta moito tráfico, a duras penas dan pasado dous vehículos pola súa estreiteza, polo que é un risco engadido para a seguridade viaria.

FOSA SÉPTICA. Os veciños das Illas van acometer as obras para emendar os danos da fosa séptica, que sufragará en parte a compañía aseguradora do vehículo accidentado, polo que consideran que sería conveniente que o Concello tamén executase ao mesmo tempo as obras necesarias para repor a varanda da ponte.

Os danos sufridos por esta depuradora no accidente de circulación que tivo lugar a mediados de xullo do ano pasado non afectaron ao seu funcionamento.

Os veciños recordan ademais que teñen que recorrer ao uso desa fosa séptica privada, que indican que conta cos preceptivos permisos da Confederación Hidrográfica e do Ministerio para a Transición Ecolóxica, porque o Concello de Lugo aínda non acometeu o saneamento neste barrio.

Os veciños das Illas esixen que se repare unha ponte e se dote de...
comentarios