As liortas volvéronse unha estampa habitual nas rúas de Lugo. Son máis frecuetnes de noite, pero o día non escapa desta tendencia, sobre todo no fondo da Praza Maior.
A última semana resultou especialmente conflitiva e o sábado culminou con polo menos tres pelexas. Nunha delas, tres mozos agrediron brutalmente a outro para roubarlle o móbil e unha cadea e posteriormente atrincheiráronse na casa da noiva dun deles, desde a que lanzaron obxectos de todo tipo aos viandantes. A Policía tardou preto de dúas horas en proceder á súa detención ao ter bloqueada a entrada da vivenda.
Galería ► Expectación en Campo Castelo nas dúas horas que durou a detención dos mozos
Ademais, este sábado á noite un novo incidente na Rúa Armanyá puxo en alerta aos veciños. Un pai, que acudiu ata a zona para rifar á súa filla por incumprir o horario de chegada a casa, acabou co nariz e o tímpano rotos. Polo menos catro mozos agredírono ao entender que a discusión a berros coa súa filla era en realidade un caso de violencia de xénero.
