Os veciños de Bosende denuncian que a maleza cobre por completo as cunetas e nalgunhas zonas xa invade a calzada.
Segundo explican, actualmente resulta "totalmente imposible" camiñar por ese lugar. Ademais, consideran que esta situación tamén supón un perigo para os condutores, xa que en varios tramos, as marcas viarias están tapadas por follas e ramas, polo que non se aprecian.
Os residentes de Bosende aseguran que o Concello lucense "abandonou por completo" o acondicionamento da zona, que pertence ao propio núcleo urbano de Lugo. "Estamos cansados de denunciar esta situación, pero non fan absolutamente nada. Parece que isto é o fin do mundo e que só lles importa o centro da cidade", apuntan.
Os veciños esixen ao goberno municipal que tome medidas canto antes e que «limpe dunha» vez as marxes da calzada para evitar que se produzan posibles incidentes, "xa que calquera día pode haber un atropelo, un accidente ou incluso un incendio", conclúen.