Non é negacionista nin ten conviccións antivacunas, é só un home que vendo as informacións sobre algúns inyectables preferiu non atender a mensaxe de Sanidade e decidiu non ir vacinarse.
Este lucense de 66 anos, que prefire manter o anonimato, presentaba este martes unha pneumonía bilateral por covid-19. Ingresou na planta de infecciosas do Hula o pasado domingo, desde onde contesta por teléfono facendo pausas ao falar.
"Estou arrepentidísimo. Foi un grave erro", admite. Cando recibiu a citación, desistiu de ir porque estaba cheo de dúbidas. "Non me vacinei polas cousas que escoitei e lin nos medios de comunicación. Había versións moi contraditorias, información moi dispar", apunta.
Para a súa idade, no tramo de 65 a 69 anos, las autoridades sanitarias dispuxeron varias opcións de vacina. Neses días falábase moito precisamente dos trombos que causaba AstraZeneca en España e outros países europeos, sobre todo en idades inferiores aos 60 anos. Él, como xa non acudiu, non sabe cal é a que lle ían a fornecer.
Este home optou por non correr ese ínfimo risco que supón recibir o inyectable. "Ao meu fillo se nbsp;contaxiouno&un amigo e despois el contaxioumo a min", relata apesadumbrado.
Explica que non é antivacunas, nin está en contra delas e que, desde logo, non é dos que cre que a enfermidade é máis levadía que os efectos da inmunización, como defenden moitos negacionistas. "Por suposto que tiña medo á enfermidade, claro que si", admite rotundo.
"Estou arrepentidísimo, foi un grave erro", di o paciente"
Pero foi a información en aparencia contraditoria o que lle fixo tomar esa decisión. "Que se esta vacina producía trombos, a outra tamén… todas daban medo", di coa voz cansa porque lle custa respirar pola infección do coronavirus.
Os cambios na indicación tampouco axudaron. "Primeiro recomendaban unha para un grupo de idade, despois outra… O Goberno non se aclaraba", explica.
Ten amigos e familiares que decidiron vacinarse e outros que non. "Había máis xente que non o tiña claro", recorda e, con respecto a se lle recomendaban a el que o fixese asegura que "uns si e outros non", que, de todos os xeitos, na súa casa "cada un toma as súas propias decisións".
Agora, prostrado nunha cama do Hula, anima "a todos que se vacinen". A campaña de vacinación segue en marcha e, aos que aínda están por recibir a súa cita, chámalles a acudir. "Diría á xente que se vacine, que non faga o bobo como fixen eu, diríallo así con esas palabras", apunta. "Coa vacina que sexa que lle poñan", engade.
Di que se atopa mal, que está con osíxeno, que se cansa e que lle custa respirar. Non resulta fácil verse así, a alguén como el que sempre foi "unha persoa moi activa" que se atopaba "perfectamente" antes de infectarse co SARS-CoV-2.
