O persoal da oficina do DNI e o pasaporte de Lugo aclarou este mércores que os cidadáns terán que seguir levando as fotografías a estas dependencias para renovar o seu carné de identidade. Así saía ao paso da polémica desatada a nivel nacional, xa que as tendas de fotografías crían que a partir de agosto, coa entrada en vigor do DNI electrónico 4.0, as instantáneas xa se realizarían nas propias dependencias policiais.
O persoal explicou que se está probando un DNI exprés no que o usuario, se ten avanzados coñecementos telemáticos, pode realizalo persoalmente, co asesoramento dun técnico e nese caso si que se faría a foto en dependencias policiais.