Usuarios de Cáritas, Cruz Vermella, Alzheimer Lugo ou Alcer, entre outros colectivos, gozarán de forma gratuíta das instalacións e os cursos deportivos que ofrece o club Fluvial.
Esa iniciativa de lecer inclusivo na capital lucense a beiras do río Miño é froito dunha achega económica da Fundación a Caixa.
O acordo foi subscrito polo presidente do Club Fluvial, Perico Valledor, e o director de institucións de CaixaBank, Vicente Centelles.
A Fundación a Caixa colaborou o ano pasado con 8.500 proxectos de 7.000 entidades sociais en toda España.