Centos de pombas e ratas "de quilo" é o panorama que se atopan os veciños de Aquilino Iglesia Alvariño cando abren as fiestras ou saen á rúa. O problema non para de agravarse e os residentes culpan da situación a que hai quen non para de tirar comida na rúa, supostamente para alimentar gatos rueiros.
O feito é que xunto aos edificios amontóase a comida abandonada na rúa e este martes, por exemplo, víanse cheas de cereal tirado no chan, explicación suficiente dunha nube de pombas que sobrevoaba os edificios e cubría os tellados dos inmobles.
O problema non é novo e os veciños din que levan tempo queixándose ao Concello, sen que faga nada. "A Policía dinos que ten máis que facer que controlar quen se dedica a tirar comida", queixábase este martes unha residente na rúa.
O feito é que as comunidades de veciños de practicamente toda a rúa uníronse para denunciar a situación, sen que sirva para nada ata o momento.
Os veciños afectados din que o problema da rúa é xa de saúde pública e unha residente daba conta este martes de que o habitual é que fronte á súa fiestra haxa ata cen pombas.
O problema derivou nunha praga en toda regra e os residentes queren que se tomen medidas de saneamento xa.
As ratas fan tobos nos sebes do parque onde xogan os nenos
Unha praga de pombas e ratas alarma a veciños de Aquilino Iglesia Alvariño
Os residentes quéixanse de que a Policía desatende as súas denuncias sobre o abandono de comida na rúa
