Un home, en aparente estado ebrio, tombouse este martes pola noite no medio da calzada da Rúa Vilalba, en Lugo, cando distintos coches estaban a circular por ela. O incidente causou alarma entre as persoas que nese momento estaban na rúa, conscientes do risco de que se producise un atropelo ou un accidente entre os coches que intentaban esquivalo.
Un condutor intentou levantar ao individuo, pero este resistiuse. Finalmente coa axuda doutros cidadáns conseguiu sentalo nun banco das inmediacións, pero o home, bastante alterado, golpeou varios colectores.
Foi nese momento cando interveu unha patrulla da Policía Local que se desprazou ao lugar e que acougou ao suxeito, quen finalmente se marchou camiñando. A pesar de que se chamou ao 061 e unha ambulancia pasou pola rúa, non recibiu asistencia médica.
