Decenas de compañeiros do corpo déronse este luns cita na igrexa de San Antonio de Padua de Lugo para tributarlle o seu último adeus ao subinspector da Policía Nacional Enrique Morán Yáñez, falecido aos 51 anos de idade.
A rúa Tui encheuse de vehículos oficiais do Grupo de Intervención Rápida de A Coruña, onde estaba destinado. Este oficial, que residía na capital lucense, deixa viúva e unha filla. Antes de nbsp;na&capital herculina estivo destinado en Canarias e en Vigo.
Quique, como así lle coñecían os seus, perdeu a batalla que libraba cunha enfermidade que se lle declarou hai un ano cando estaba a realizar o curso para ascender a inspector.
