Os bombeiros tiveron que intervir este sábado, ao redor das oito da tarde, porque saía fume dunha vivenda de Augas Férreas, na capital lucense. O motivo foi a travesura dun neno. O menor, que estaba a xogar, tirou un plástico encima da victrocerámica cando a cociña estaba acendida.
A combustión do plástico debido á calor provocou unha densa fumareda que se estendeu polas escaleiras do edificio, sito na Rúa Antón Rosón.
Non se produciron chamas polo que os bombeiros se limitaron a ventilar a vivenda. O neno que causou a alarma non resultou ferido, pero si levou un bo susto.
