O transporte urbano de Lugo ten o billete ordinario máis barato de Galicia e o terceiro máis económico entre as capitais de provincia de España. Os datos foron presentados este sábado polo tenente de alcalde, Rubén Arroxo, quen salientou que só Ávila e Ceuta teñen prezos por debaixo dos 64 céntimos da capital lucense.
Cidade |
Prezo ordinario |
Ávila |
0,55 |
Ceuta |
0,62 |
Lugo |
0,64 |
Palencia |
0,65 |
Segovia |
0,65 |
Mallorca |
0,80 |
Teruel |
0,83 |
Ourense |
0,85 |
Zamora |
0,90 |
Soria |
0,90 |
Melilla |
0,90 |
Xaén |
1,00 |
Huesca |
1,00 |
Guadalaxara |
1,05 |
Murcia |
1,05 |
Almería |
1,05 |
Salamanca |
1,05 |
Cáceres |
1,10 |
Albacete |
1,10 |
Cidade Real |
1,10 |
Cádiz |
1,10 |
Huelva |
1,10 |
Santander |
1,10 |
Burgos |
1,20 |
A Coruña |
1,20 |
León |
1,20 |
Badaxoz |
1,20 |
Castellón |
1,20 |
Cuenca |
1,20 |
Oviedo |
1,20 |
Lleida |
1,25 |
Girona |
1,25 |
Córdoba |
1,30 |
Málaga |
1,30 |
Madrid |
1,30 |
Pamplona |
1,35 |
Bilbao |
1,35 |
Vitoria |
1,40 |
Valladolid |
1,40 |
Sevilla |
1,40 |
Toledo |
1,40 |
Zaragoza |
1,40 |
Granada |
1,40 |
Gran Canaria |
1,40 |
Alacant |
1,45 |
Tarragona |
1,50 |
Valencia |
1,50 |
Donostia |
1,85 |
Barcelona |
2,40 |
Tenerife |
Segundo Ruta |
Lanzarote |
Segundo Ruta |
Os datos revisados pola área de Mobilidade de Lugo indican, ademais, que o importe ordinario do billete de bus "está por debaixo do prezo reducido en oito cidades de España. E que as bonificacións ás que teñen acceso moitos veciños permiten ter "un bono reducido que se atopa entre os 10 máis baratos do Estado".
Neste contexto, o Concello anima os veciños a apostar pola Tarxeta Cidadá para utilizar o bus urbano, que reduce o prezo do billete de 0,64 euros a 0,45. "Ou incluso 0,31 no caso de ter dereito a algunha bonificación, pagando só 0,19€ se se realiza un transbordo", explica Arroxo.
Para obter a tarxeta cidadá hai que cubrir o formulario que se pode atopar na web do Concello, ou recollelo nas oficinas municipais do seminario, e pagar unha taxa de 3,09 euros nunha oficina de Abanca. Despois debe pedirse cita no número 010 para retirar a tarxeta nas oficinas do Concello. A recarga do moedeiro será de entre 5 e 60 euros.
CAMBIOS. O Concello salienta que o novo proxecto de mobilidade da cidade está composto por catro grandes liñas que conectarán as zonas norte e sur de Lugo, e dúas máis que comunicarán o leste co oeste. No eixo norte-sur —que inclúe a Avenida da Coruña, a Ronda da Muralla, a avenida Ramón Ferreiro e a Avenida de Madrid, onde se atopa a maior parte da poboación—, operará un bus cunha frecuencia de 10 minutos.
O tenente de alcalde recordou que coas novas liñas tamén entrarán en funcionamento novas pantallas informativas, "que permitirán coñecer o tempo que falta ata a chegada do vindeiro bus". "O seguimento das liñas estará dispoñible para toda a veciñanza a través de aplicacións web", explicou.
O Concello destaca que o Hula gañará conexións con Fontiñas, a zona sur da cidade e a avenida das Américas, "que co modelo actual non teñen transporte directo". "Contaremos con seis liñas que partirán de distintas zonas da cidade e rematarán no Hula, permitindo que a maior parte da veciñanza teña transporte directo ao hospital", dixo Arroxo.